Nga a Pasudlon ka sang Diyos sa Langit?

(Ano ang Nahimo Mo?)

Ikaw kag ako nagapangabudlay sang todo para makaangkon sang maayo nga pangabuhi sa duta. Apang sa sunod nga kabuhi ayhan nasiguro mo na bala nga mangin mayo man ang kahimtangan mo? Kon masugata mo ang Diyos sa langit kag pamangkuton ka Niya, "Ngaa pasudlon ko ikaw diri sa langit? Ano ang nahimo mo sa akon?" Ano ang isabat mo?

Possible nga Isabat sang Tawo (Pamaagi sa Kaluwasan)

1. Nagpakabuot

Kon pakabuot ang alagyan sa langit, sin-o gid ang mabuot? Ang pulong sang Dios nagasiling, “Walay bisan sin-o nga matarung; wala bisan isa.” (Roma 3:10)

2. Obra sang maayo

Kon may isa ikaw kabilyon ka pesos kag imo ihatag sa mga pigado, piho na ina nga makapalangit ka? Kon amo ina ang palaagyan, kalabanan mga manggaranon lang ang makapalangit kay mas madamo sila kwarta nga ibulig kag ibayad sa espesyal nga seremoniyas sa simbahan. “Kay bangud sa bugay naluwas kamo paagi sa pagtoo; kag indi sa inyo kaugalingon nga buhat, ini amo ang dulot sang Dios - Indi sa maayong buhat, basi ang bisan sin-ong tawo magpabugal.”(Efeso 2:8-9)

3. Relihiyon

Kon relihiyon ang paagi tani si Cristo wala na nag-antos sa krus. ginsulat na lang Niya sa Bibliya nga intra kamo sa sini nga relihiyon kay mapalangit gid kamo. Halimbawa, kon may nalumos nga tawo sa masulog kag madalum nga suba, kinahanglan gid bala nga malumpat ka kon may kalat man lang ukon malaba nga kahoy nga makaluwas sa iya?

Ngaa mapalansang gid si Cristo sa krus?

Abyan, kon may iban pa nga paagi nga ang tawo maluwas, WALA NA TANI NAGPALANSANG SA KRUS SI CRISTO! Si Jesus “….nagsulod…wala nagadala sang dugo sang kanding kag mga tinday sang baka kundi sang iya kaugalingon nga dugo , sa amo nakatigayon sing pagtubos nga dayon. “ (Hebreo 9:12)

Nagpalansang si Cristo KAY INDI KITA MAKASARANG MAGLUWAS SA ATON KAUGALINGON! “Kay ginhigugma gid sang Dios ang kalibutan sa bagay nga ginhatag nya ang iya bugtong nga Anak, agud nga ang bisan sin-o nga magtoo sa iya indi mawala kundi may kabuhi nga walay katapusan” (John 3:16).

Huo, ang Dios nagpalangga sa tawo nga ginhatag niya si Cristo agud nga bisan sin-o nga magtoo sa iya may kabuhi nga walay katapusan. Magtoo nga ano? Nga si JESUS lang ang makaluwas kag indi ang imo maayong buhat ukon relihiyon. Kon maghinulsol ang tawo kag magtalikod sa iya mga sala kag si Cristo na ang Gino-o sang iya kabuhi, maluwas siya.”….kon ituad mo saimo baba nga si Jesus Ginoo kag magtoo sa imo tagiposoon nga ang Dios nagbanhaw sa iya, maluwas ka.” (Roma 10:9)

Sa nagtoo kay Cristo ano ang promisa? Suno sa Bibliya, “agud nga ang bisan sin-o nga magtoo sa iya indi mawala kundi may kabuhi nga walay katapusan”. Ang tawo makakadto na sa langit. Ngaa? Bangod NAGPROMISA ang Dios! Kon magsaad ang Dios, iya ina ginatuman. “Nagasalig sing bug-os nga ang Dios nga nagsaad makasarangman siya sa paghimo.” (Roma 4:21), “….indi mahimo nga ang Dios magbutig… (Hebreo 6:18)”

Abyan, Gusto mo magtoo kay Cristo? Magpangamuyo ka subong sa Iya:

“Ginoong Dios, makasasala ako. Salamat sa paghigugma mo sa akon kag pagpadala kay Jesu Cristo sa pagluwas sa akon. Nagahinulsol ako sang akon mga sala, nagatoo ako nga si Cristo lang ang akon maluluwas kag Ginoo. Bag-oha ang akon kabuhi kag salamat sa kabuhi nga walay katapusan nga imo ginsaad. Sa ngalan ni Cristo Jesus amen."

Kasiguruhan sang Kaluwasan

Ini nga simple nga pangamuyo kon ginmitlang mo sa pagtoo maluwas ka bangod sang IYA SAAD. “Ang nakabaton sang Anak may kabuhi; ang wala makabaton sa Anak walay kabuhi. Ini ginsulat ko SA INYO nga NAGTOO sa ngalan sang ANAK SANG DIOS, agud nga MAHIBALOAN NINYO NGA NAKABATON KAMO SANG KABUHI NGA WALAY KATAPUSAN. (I JUAN 5:12-13) “ Paano mo nasiguro nga ikaw luwas na? Ang pinakadaku nga ibedensiya nga ikaw naluwas amo ang imo bag-o nga kabuhi. “Busa, kon ang bisan sin-o nga tawo nga yara kay Cristo, bag-o sya nga tinuga; ang daan nagtaliwan, yari karon, ang tanan nagin bag-o.”(2 Corinto 5:17)

Ang imo paglakat upod sa Dios nagasugod pa lang. Magpangamuyo ka kag magbasa sang bibliya adlaw-adlaw. Sugiri man ang iban nahanungod kay Jesus. Maayo pa gid kon makakita ka sang simbahan kon sa diin ang Bibliya ginawali kag ginatudlo sing husto.

By Ptr Errol Parpa | MASSEBAH CHRISTIAN CHURCH | 105 St., Greenplains Subdivision, Singcang, Bacolod City | +639450767902

Google Sites

Report abuse